[Catatan Aisha Rara, warga Tebet]
Eco Park Tebet itu emang keren.
Apelagi area bermain anaknye. Gak kalah sama tempat bermaen anak yang sering kite jumpai ade dalam mall-mall gede di Jakarta. Dari perosotan paling tinggi dan gede, panjat tebing, rumah semut, aneka trampolin, monkey bridge, hanging bridge, jungkat-jungkit, ayunan, sampe maen pasir di area yang luas pun bisa.
Belon lagi jembatan orennye yang fenomenal.
Saban lewat aye liatin tuh jembatan.
Kagum ye, Mpok?
Bukannnn!
Aye ngeri rubuh! 🙈
Orang segitu banyaknye rame-rame naekin tuh jembatan. Ade yang jalan, ade yang lari, yang joget-joget bikin konten tik-tok ampe bocah gelantungan semua berebut space.
Alhamdulillah, jumlah pengunjung sekarang mulain dibatesin. Kunjungan per-hari cuman boleh 5000 orang. Itu pun dibagi jadi 2 shift. Pagi jam 7 s.d 11 atau siang jam 13 s.d 16. Jadi kalo mau dateng kite kudu daftar dulu pake JAKI.
Tapi saran aye kalo mau kesono jangan weekend. Penuh, brooo. Lu mau piknik gelar tiker bise jadi gak kebagian lapak. 😅 Kite-kite yang tinggal di Tebet jugak empet banget liatnye.
Bersyukur sekarang dah ade banyak tempat parkir. Pake lahan rusun, sekolah Muhammadiyah ame tanah bekas superindo. Tapi emang kudu jalan lumayan buat nyampe pintu masuk. Yee, daripade luh parkir depan rumah orang terus dimaki-maki dan viral pan mendingan jalan dikir, yee. 🙈
Kuliner sekitaran eco park jugak gak kaleng-kaleng.
Aye sebutin yang emang terbukti enak-enak dan tempatnye cozy abis ajeh, ye.
Kalo mau hemat kantong bisa cobain ke:
1. Mayo.
Ini resto makanan rumahan yang ajib banget menunye, tapi gak mahal. Palingan kisaran 25rb-50rb per orang. Letaknye pas di sebrang eco park. Nih resto tahu telor ame sop iga-nye ajib bangets.
2. Lele Crispy.
Meski judulnye lele, tapi mereka juga jual menu ayam, bebek, ramen, nasi goreng dan aneka cemilan macem tahu walik, singkong, pisang, dll. Harga kisaran 15rb-35rb. Letaknye dari Mayo belok kiri dikit. Cobain bebek sambel ijo ame jus sirsaknye. Manteb jiwaa.
3. Warmo. 🤣🤣🤣
Kalo kantong beneran ngepas mending kesini ajeh. Ye tapi namanye area Tebet, biar kate sekelas warteg, semurah-murahnye pasti harganye lebih up dari yang laen. Tapi worth it, koq.
Deket Warmo tuh ade Ayam Bakar Wonogiri, jauhan dikit ade resto Eling-Eling buat penggemar soto. Tapi rasa dan varian makanannye gak se-asyik yang tiga di atas.
Kalo mau jalan jauh dikit ke Tebet Raya malah lebih banyak lagi. Itu sederetan jalanan orang jualan makanan semua. Segala makanan yang lagi viral ade outletnye. Yang lumayan enak dan murmer ade steak waroeng, uduk bro, comic cafe, fat bubble. Yang laen bisa dibilang resto menang gaya doang, enak kagak!
Tapi kalo mau ngabisin duit ye singgah ajeh di Abuba atau Bakmie Berdikari. 😅 Ini enak, tapi yaaa lumayan nguras kantong. Atau nyobain satu per satu resto AYCE di area ini juga worth it, koq. Favorit aye sih Pochajjang.
Tapi kalo temen-temen pingin nyobain makanan mahal tapi rasa B ajah boleh ke maen ke area Tebet Barat. Aselik buat aye itu gak ade yang sepadan. Lu bisa ngeluarin duit 600ribu per orang buat makan steak yang B ajah, atau aneka seafood yang enak sih, tapi harusnya gak semahal itu. Makanan arab yang gak berase bumbunye, sekalinye ade yang enak banget tapi harga senampan kecil hampir sejuta. Belon minum ituh! 🙈
Etapi ade juda deh lapak besar tempat segala macem aneka kuliner aceh ngumpul. Ini buka 24 jam dan paling baek di sntara yang laen.
Yang menarik di Tebet Barat justru Kang jualan kaki lima-nye. Angkringan di sebrang resto Ayam Kremes Keraton tuh enak bingits. Ade jugak Sate RSPP yang dagingnye gede-gede. Dan tukang steak pinggir jalan yang cuman 25reboan. Minumnye bise milih soda susu, kopi liong atau teh bandulan. 😁
Nah, kalo dateng shift sore atau punye waktu lamaan dikit nongkrong di Tebet, antum juga bise nyobain aneka coffee shop yang beneran lagi menjamur banget di Tebet. Aye sebutin yang bagi aye asyik ajeh, yeee.
"Mang ade yang gak asyik, Mpok?"
Jan ditanyeeeee, deh! Atut aye! 😅
Kalo nongkrong bareng temen dan pingin suasana yang rame, ceria, dan boleh ketawa sepuas-puasnye sekenceng-kencengnye, dirimu bisa milih Kopi Bajawa Flores.
Kalo pingin suasana yang tenang, adem, bisa ngobrol dan saling curhat mending ke Kopilojik. Ini die bise bikin pisang goreng tang rasanye laen dari yang laen. Kopilojiknye enak. Ampuh ngilangin kantuk.
Kalo pingin yang pegawainye super ramah dsn banyak ngasih gratisan dessert bisa nyobain ke coffe n Thyme. Bise dapet brownies, muffin atau croissant gratis kalo ngopi disini. Disini juga porsi makanannye banyak, yee. Jadi mending joinan pesen satu dulu bareng temen atau anak. Sayang kalo gak abis.
Kalo yang pingin ngemil cookies enak bisa ke The Coffee Bean.
Tapi kalo lagi bawa anak-anak mending melipir ke Loffee ajeh. Aselik disini semua menu makan minumnye enak semua. Dan mereka jual aneka gelato buat nyenengin anak. Ade menu nasi goreng hongkong dan ayam rica-rica yang selalu bikin pingin balik lagi. Tapi soal croffle mereka masih di bawah dear butter. 😅
Nah, kalo kebelet ngopi tapi gak pingin nongkrong bise cobain Arah Kopi Tebet. Kopinye enak. Sering dapet bonus beli yang gede free yang small.
Coffe shop dan kafe di Tebet laennye masih banyak, yee. Tapi ade yang B ajah, ade yang pelayannye judes, kopinye gak enak, makanannye "garing" atau tempatnye sempit. Tapi tergantung selera juga sih.
Saat ini kurang lebih ade 109 kafe tempat ngopi di Tebet. Tinggal merem terus tunjuk deh yang mane. So, emang masih ade jugak yang belon aye kunjungin. Niat sih buat mampirin atu-atu. Dan ntar kalo ade waktu aye ceritain ke kelean.
Semoga kelean sehat, diberkahi Allah dan bahagia selalu.
Ttd. Rara.
(Warga Tebet Paling Imut 😎)
