Ya Allah dek. Alang teganyo kau. Dak terimo ditegur ibuk oleh kau pacaran kelewat batas. Kau laporke ibuk kau. Lah payah ngandung kau, lahirke kau, sampe kau besak cak sekarang. Malah kau laporke ibuk kau. Emangnyo kau seneng kalau ibuk kau masuk penjaro ? Katik lagi nak negur kau pacaran? Trus kau biso bebas pacaran samo lanang cowok kau tu ?
Tobatlah dek. Minta maaf samo ibuk kau. Minta maaf nian setulus-tulusnyo. Aku baco ibuk kau tu single mom. Artinyo ibuk kau galo yang befikir cakmano makan, sekolah, idup kau, dan lainnyo. Jangan nian buat ibuk tu sedih. Besak duso kau. Nak jadi apo? Awak anak betino tapi melawan cak itu. Apo kau kiro lanang itu bakal ngasih kebahagiaan? Sampe kau milih dio dibanding ibuk kau. Ngimpii. Mano ado lanang bener ngajak anak gadis wong pacaran.
Masih SMP lah pacar-pacaran. Sesak dado ibuk kau baco wa kalian. Vulgar nian gaya pacaran kamu. Cubolah fokus belajar bae. Tanamke dalam diri kalau kau harus sukses. Biar biso bahagiake ibuk. Katik gunonyo pacaran. Lah banyak kito baco berito. Masih sekolah lah bunting oleh pacaran keladasan. Jangan nian. Dibutoke oleh cinto. Dak mikiri masa depan.
Dem men lah bedamai samo ibuk. Jangan lagi mak itu. Jangan nak belajar jadi anak durhako. Cukuplah malin kundang bae. Kau jangan. Berbaktilah. Bahagiake wong tuo. Dijamin sukses dunia akhirat men wong tuo kau seneng. Dak banyak fikiran oleh anak dak karuan. Tobat yo. Minta maaf samo ibu. Minta ampun sama Allah.
(By Kak Oksa)
