Kadang kalo lagi gabut, aye tuh suka maen ke grup-grup pendukung keras Pak Presiden (Jokower) atau baca-baca komenan di portal berita online. Seneng ajeh. Mendadak suka dapet hiburan dan meme-meme bagus dari para komentator.
Kayak pas ade berita tentang Jakarta Internasional Stadium (JIS) yang hampir rampung. Banyak banget yang nganggap kalo nih stadion belon dibangun alias cuman gambar ajah. Baru rencana, belon terealisasi. Lucuk banget, dah! 🤣
Padahal tinggal googling dikit pasti dapet info tentang tahap-tahap pembangunan JIS ini dan pegimane penampakannye saat ini. Herannye, biar udeh dikasih link berita, poto Fadly lagi nyanyi dalem stadion, foto pekerja, poto lapangan dan gedung yang hampir jadi tetep ajeh ade yang gak percaya dan bilang hoax. 😅
Sekalinye ade yang percaya bilang kalo itu jasa mantan gubernur idolanye. Seolah pas tuh mantan belon ngejabat, Jakarta cuman kebon kosong doang. Etttdah 🤣🤣🤣
Ade lagi yang lucuk. Die bilang: "Biarpun Jakarta udeh punye JIS yang megah, Jakarta tetep kota paling kumuh! Kota miskin!"
Duilehhhh, gaya amat nih orang.
Tapi sayangnye pas aye liat profilnye yang ngomong gituh orangnye berasal dan tinggal di salah satu kota di Jawa Tengah.
Langsung aye googling, dah. Sehebat ape sih kotanye ampe bisa ngatain Jakarta begitu. Hasilnye? Ah, elah. Jadi pingin ngatain kannn....🙄
Tapi tahann. Harap bersabar, ini ujian bagi kaum yang lagi diet. 😅
Anggep ajeh mereka tuh pengadopsi pepatah "Kuman di sebrang laut tampak, bulu idung pade offside tak tampak!" 😌
Ttd.
(Herawati Aisha Rara)
